നിത്യകല്യാണി

കേരളത്തിൽ സർവ്വ സാധാരണയായി കാണപ്പെടുന്ന ഒരു പൂച്ചെടിയാണ് നിത്യകല്യാണി (ഇംഗ്ലീഷ്:Periwinkle). ഇത് വളരെ ഔഷധഗുണമുള്ള ചെടിയാണ്. ഭാരതം ജന്മദേശമായ നിത്യകല്യാണിയുടെ ശാസ്ത്രനാമം Catharanthus pusillus എന്നാണെങ്കിലും സാധാരണയായി കേരളത്തിൽ നട്ടുവളർത്തപ്പെടുന്നതിന്റെ ശാസ്ത്രീയ നാമം Catharanthus roseus എന്നാണ്. മഡഗാസ്കർ ആണ് ഇതിന്റെ ജന്മദേശം. അർബുദത്തിന്റെ ചികിത്സക്കുപയോഗിക്കുന്ന ഔഷധമായ വിൻകാ ആൽക്കലോയ്ഡ്സ് ഈ ചെടിയിൽ നിന്ന് വേർതിരിച്ചാണുണ്ടാക്കുന്നത്.<ref name="botany.hawaii.edu">http://web.archive.org/20060622145202/www.botany.hawaii.edu/bot442/36PsychoactivePlantsII.pdf</ref> രക്തസമ്മർദ്ദം കുറക്കുവാനുപയോഗിക്കുന്ന അജ്മാക്ലിൻ എന്ന മരുന്നും ഈ ചെടിയുടെ വേരുകളിൽ നിന്നുല്പാദിപ്പിക്കുന്നുണ്ട്.<ref>http://shl.4t.com/ajma.html</ref>

നിരുക്തം

എല്ലാ ഋതുക്കളിലും പുഷ്പിക്കുന്നതിനാലാണ് ഇത് നിത്യകല്യാണി എന്ന് അറിയപ്പെടുന്നത്. ഏത് കാലാവസ്ഥയിലും ഈ സസ്യത്തിൽ പുഷ്പങ്ങൾ ഉണ്ടാകും

അപരനാമങ്ങൾ

നിത്യകല്യാണി

നിത്യകല്യാണി, ഉഷമലരി എന്നീ സംസ്കൃതനാമങ്ങൾക്ക് പുറമേ കേരളത്തിൽ ഈ ചെടി അഞ്ചിലത്തെറ്റി, കാശിത്തെറ്റി, "പാണ്ടിറോസ" എന്നീ പേരുകളിലുമറിയപ്പെടാറുണ്ട്.<ref name=svk>അഞ്ചിലത്തെറ്റി, സർവ്വവിജ്ഞാനകോശം, കേരള സർക്കാർ പ്രസിദ്ധീകരണം</ref> ശവക്കോട്ടകളിൽ നട്ടുവളർത്താറുള്ളതുകൊണ്ട് ചുടുകാട്ടുമുല്ല, ശവക്കോട്ടപ്പച്ച എന്നും പേരുകളുണ്ട്.<ref name=svk/> ശവംനാറി എന്ന പേരുമുണ്ട്.<ref name=klf>പ്രധാന ഔഷധ സസ്യങ്ങൾ, കേരള സംസ്ഥാന വിവര സാങ്കേതിക വിദ്യാവകുപ്പ്</ref> പ്രധാനമായും പിങ്ക്, വെളുപ്പ് എന്നീ രണ്ടു നിറങ്ങളിൽ കാണപ്പെടുന്നതിനാൽ കേരളത്തിൽ ചിലയിടങ്ങളിൽ ഇതിനെ ആദോം ഔവേം (ആദവും ഹവ്വയും) എന്നും വിളിക്കാറുണ്ട്. ഹിന്ദിയിൽ സദാബഹാർ (सदाबहार), മറാഠിയിൽ സദാഫൂലി (सदाफूली), ബംഗാളിയിൽ നയൻ‌താരാ (নয়নতারা) കന്നഡയിൽ സദാപുഷ്പ (ಸದಾಪುಷ್ಪ) എന്നിങ്ങനെയാണ് നാമങ്ങൾ.

ചരിത്രം

പുരാതനകാലത്ത് വിഷമായും ലഹരിമരുന്നായും ഈ ചെടിയുടെ സത്ത് ഉപയോഗിച്ചിരുന്നു.

ആവാസവ്യവസ്ഥ

കേരളത്തിൽ സർവസാധാരണമായി വളരുന്നു.പൂന്തോട്ടങ്ങളിൽ ചെടിയായി വളർത്തുന്ന ഔഷധ സസ്യമാണിത് .നല്ല പച്ച നിറമുള്ള ഇലകളുടെ മേൽ ഭാഗം മിനുസമുള്ളതാണ് .ചെറിയ പുക്കൾ വെള്ള നിറത്തിലോ ഇളം ചുവപ്പുനിറത്തിലോ കാണുന്നു .പയറു പോലെ നേർത്തു നിണ്ടു കാണുന്ന ഫലത്തിന്റെയുള്ളിൽ അനേകം വിത്തുകളുണ്ടായിരിക്കും . കേരളത്തിൽ ഇത് പൂച്ചെടിയായും വളർത്തുന്നു. വിത്തു മുളപ്പിച്ചോ, മാതൃ സസ്യത്തിന്റെ കമ്പ് മുറിച്ചു നട്ടോ ഇതിന്റെ പ്രജനനം നടത്താം.

രസാദി ഗുണങ്ങൾ

രസം :തിക്തം
ഗുണം :ലഘു, രൂക്ഷം
വീര്യം :ഉഷ്ണം
വിപാകം :കടു <ref name="vns1">ഔഷധ സസ്യങ്ങൾ, ഡോ. നേശമണി, കേരള ഭാഷ ഇൻസ്റ്റിറ്റ്യൂട്ട്</ref>

ഔഷധയോഗ്യ ഭാഗം

വേര്, ഇല<ref name=" vns1"/>

ഔഷധമൂല്യം

അർബുദ ചികിത്സക്കുപയോഗിക്കുന്ന വിൻബ്ലാസ്റ്റിൻ, വിൻക്രിസ്റ്റീൻ തുടങ്ങിയ മരുന്നുകൾ ഈ ചെടിയിൽ നിന്നുണ്ടാക്കുന്നുണ്ട്.<ref name="botany.hawaii.edu"/> ചെടിയുടെ ഉപയോഗം രക്തത്തിലെ രക്താണുക്കളുടെ എണ്ണംകുറക്കുന്നതായി കണ്ടെത്തിയതിനെതുടർന്നുള്ള പരീക്ഷണങ്ങളാണ്‌ കാൻസർ ചികിത്സക്ക് ഇതിന്റെ ആൽക്കലോയിഡുകൾ ഉപയോഗിക്കാം എന്ന നിഗമനത്തിലെത്തിച്ചത്. ഇന്ന് വ്യാവസായികാടിസ്ഥാനത്തിൽ മരുന്നു നിർമ്മിച്ചുവരുന്നു.രക്തസമ്മർദ്ദവും രക്തത്തിലെ പഞ്ചസാരയും കുറയ്ക്കാൻ ഇത് ഉപയോഗിക്കുന്നു .ഇല ഇടിച്ചു പിഴിഞ്ഞ നീരു കഴിച്ചാൽ മുത്രാശായരോഗങ്ങൾ മാറികിട്ടും .ചെടി ചതച്ചിട്ട തിളപ്പിച്ച വെള്ളം കുടിച്ചാൽ വയറിളക്കം ,കൃമി എന്നിവ ഇല്ലാതാകും . മുറിവിൽ നിന്ന് ഉണ്ടാകുന്ന രക്തപ്രവാഹം നിർത്താൻ ഇതിന്റെ അരച്ച് വെച്ചുകെട്ടിയാൽ മതി . പ്രമേഹ ചികിത്സയ്ക്കുള്ള നാടൻ മരുന്നായി ശവംനാറിച്ചെടിയുടെ ഇല ഇടിച്ചു പിഴിഞ്ഞ നീര് ഉപയോഗിക്കുന്നു. ശവംനാറി ചെടിയുടെ ഇലകൾ പ്രമേഹത്തിനുള്ള ഉത്തമ മരുന്നായി ആയുർവേദ ആചാര്യൻമാർ നിഷ്ക്കർഷിക്കുന്നു.