കാരാഞ്ഞിലി
കേരളം, കർണ്ണാടക, തമിഴ്നാട് എന്നിവിടങ്ങളിൽ മാത്രം കാണപ്പെടുന്ന വൃഷമാണ് കാരാഞ്ഞിലി <ref>IUCN Red List of Threatened Species</ref>(ശാസ്ത്രീയനാമം: Dipterocarpus bourdillonii). കൽപ്പയിൻ, കരട്ടാണിലി, ചരട്ടാഞ്ഞിലി, കാരാന്നിലി തുടങ്ങിയ പേരുകളിലും തദ്ദേശീയമായി ഇവ അറിയപ്പെടുന്നു. ഗുരുതരമായ വംശനാശത്തിന്റെ വക്കിലുള്ള ഇവയെ കേരള വനഗവേഷണ കേന്ദ്രത്തിന്റെ മേൽനോട്ടത്തിൽ കേരളത്തിലെ കാടുകളിൽ കൃത്രിമമായി നട്ടു പിടിപ്പിച്ച് വ്യാപകമാക്കാനുള്ള ശ്രമങ്ങൾ നടപ്പിലുണ്ട്. ഐ.യു.സി.എന്നിന്റെ ചുവപ്പുപട്ടികയിൽ ഇവയെ ഗുരുതരമായ വംശനാശം നേരിടുന്ന വിഭാഗമായാണ് ഉൾപ്പെടുത്തിയിരിക്കുന്നത്<ref>IUCN REDLISTED (IUCN 2000) SPECIES IN KERALA FLORA</ref>. 50 മീറ്റർ വരെ ഉയരം വയ്ക്കാവുന്ന വൻമരങ്ങളാണിവ<ref>Botanical descriptions Ecology Distribution Literatures </ref>. കേരളത്തിലെ ഏറ്റവും വലിയനിത്യഹരിതമരങ്ങളിൽ ഒന്നാണിത്. വിത്തിന്റെ ജീവനക്ഷമത കുറവാണ്. കാട്ടുജീവികൾ കാരാഞ്ഞിലിയുടെ തൈകൾ വ്യാപകമായി തിന്നു നശിപ്പിക്കാറുണ്ട്.